الاختلاف

الاختلاف

كلمة كبيرة .. ذات معني كبير .. ذات هدف أكبر

الاختلاف من وجهة نظري عبادة لربنا سبحانه وتعالي

لانة طاعة لربنا وطاعة لرسولنا الكريم وربنا وضح دة في الايات القرأنية والأحاديث ولو شاء ربك لجعل الناس أمة واحدة ولا يزالون مختلفين) فلآية تقرر أن مشيئة الله تعالى اقتضت أن يخلق الناس جميعاً مختلفين.

الاختلاف دة اللي ربنا وضعة بينا يعتبر من ثوابت الكون

كمان الاختلاف في الالوان والاجناس والطبائع " ومن آياته خلق السموات والأرض واختلاف السنتكم والوانكم...

ربنا جعل حاجات كتير مختلفة في الكون مثل الرجل والمرأة ودة اكبر مثال ان كل واحد فيهم مختلف عن التاني كل واحد فيهم لية دور علشان في النهاية يتكاملوا في صورة واحدة كل واحد فيهم يكمل التاني تبقا الحياة ماشية علي مبدأ " الاخذ والعطاء"

كذلك في قوة تحملنا وجهدنا وقال سبحانة وتعالي لا يكلف الله نفسا الا وسعها

جعل الخير والشر ... المؤمن والكافر

لازم كل واحد فينا يحترم اختلاف التاني فية لان كل واحد لية خبرات وتجارب في الحياة مهما كانت قاسية او مفرحة او مؤلمة اي كانت نوعها كل واحد بيبص علي الدنيا من منظور التجارب دي علشان كدة كل واحد مننالازم يحترم التاني في اختلافة حتي لو الاختلاف دة مش صح

النبي صلي الله علية وسلم كان بيتقبل وبيسمع اللي بيقولة المشركين وبعد كدة بيرد عليهم بالحسني وبيعرض عليهم الاسلام وبيناقشهم ويحاورهم

ومقولة أمير المؤمنين علية السلام ضع أمر أخيك على أحسنه حتى يأتيك منه ما يغلبك ولا تظنن بكلمة خرجت من أخيك سوءاً وأنت تجد لها في الخير محملاَ

استيعابنا للاختلاف دة في حد ذاته عـــــــبــــادة

ولازم نفرق بين الاختلاف والتنافر دة شئ ودة شئ تاني خالص

ديننا حثنا علي العلم والتفكير والمعرفة واول اية نزلت هي أية القرأة والعلم لان ربنا مبيتعبدش بالجهل

قال تعالي " اقرأ باسم ربك الذي خلق، خلق الإنسان من علق، اقرأ وربك الأكرم، الذي علم بالقلم..

الاختلاف شئ أساسي موجود عايش معانا وبينا مش معني اني مختلفة يبقا انا صح ولا ان معني ان غيري مختلف يبقا هو صح لازم نكمل بعض كل واحد مننا للتاني لو اعتبر نفسة انة هديه للتاني كل واحد مننا هيزود حاجة للتاني ويعطيها لية وخصوصا لو كان دة كمان بين الرجل والمرأة وان كل واحد مننا هبة للتاني